جام ازل

ہم عشق زادہ و متبنائے جام ہیں

جاں  بازی و خیال بتاں میں  تمام ہیں

دلدادہ میکدہ کے ہیں ، جاں  باز نوش بھی

پیر مغاں  کے در کے قدیمی غلام ہیں

ہمخواب یار ہو کے تبہ ہجر یار میں

غرق وصال ہوکے بہ ہجراں  مدام ہیں

بے رنگ و بے نوا بھی ہیں ، قیدی رنگ بھی

ہم بے نشاں  ہیں  پھر بھی طلبگار نام ہیں

درویش سے بھی ، صوفی و عارف سے بھی ہے جنگ

پرخاش دار حکمت و علم کلام ہیں

ممنوع مدرسہ بھی ہیں ، مخلوق سے بھی دور

مہجور اہل ہوش، طرید عوام ہیں

روز ازل سے ہستی و ہستی طلب سے دور

ہمگام نیستی ہیں ، فنا میں  تمام ہیں