ترکی کی جعفری علماء یونین کے سربراہ کی آیت اللہ سید حسن خمینی سے ملاقات
ترکی کی جعفری علماء یونین کے سربراہ حجۃ الاسلام والمسلمین شیخ احد تالان نے امام خمینیؒ کے مزار پر حاضری اور بانیِ انقلاب اسلامی کو خراجِ عقیدت پیش کرنے کے بعد آیت اللہ سید حسن خمینی سے ملاقات اور گفتگو کی۔
جماران کے مطابق، ملاقات میں شیخ احد تالان نے امام خمینیؒ کو عصرِ حاضر میں اسلام کے احیا کی اہم شخصیات میں شمار کرتے ہوئے کہا کہ ان کی فکر نے عالمِ اسلام میں نمایاں اثرات مرتب کیے اور آزادی کی تحریکوں پر بھی اس کے اثرات دیکھے جا سکتے ہیں۔
انہوں نے ایران میں آیت اللہ العظمیٰ سید علی خامنہ ای کی شہادت پر ترک عوام کی جانب سے ایرانی قوم سے اظہارِ ہمدردی کا ذکر کرتے ہوئے کہا کہ شہید رہبر کا خون دنیا کی آزادی پسند تحریکوں میں نئی روح پیدا کرے گا۔
شیخ احد تالان نے امید ظاہر کی کہ عالمی سطح پر ظلم و استکبار کے خاتمے کی جدوجہد مزید مضبوط ہوگی۔
ملاقات کے اختتام پر ترکی کی جعفری علماء یونین کے سربراہ نے یونین اور ترکی کے زینبیہ مرکز کی علمی اور ثقافتی سرگرمیوں کے بارے میں آیت اللہ سید حسن خمینی کو بریفنگ بھی دی۔