سوال:کن چیزوں پر خمس واجب ہے؟
جواب: سات چیزوں پر خمس واجب ہے:
اول: جو کچھ اہل حرب سے زبردستی بلکہ چوری اور فریب سے بھی بطور غنیمت لیاجائے
دوم : معدن اوراس میں معیار عرف ہے
سوم : خزانہ اوراس کی تشخیص کے لئے عرف معیار ہے
چہارم : غوطے کے ذریعے حاصل کی گئی چیز ،موتی ،مونگے اوران کی طرح کے جواہر کہ جنہیں عام طور پر غوطے کے ذریعے نکالا جاتاہے اگر انہیں یونہی نکالا جائے
پنجم : اپنے اوراہل وعیال کے سالانہ اخراجات سے بچت
ششم : وہ زمین جو ذمی کافر مسلمان سے خریدلے پس اس کا خمس ذمی پر واجب ہے
ہفتم : وہ حلال کہ جوحرام سے مخلوط ہوجائے اوراس کے مالک کابالکل پتہ نہ چلے
تحریر الوسیلہ، ج 2، ص 52