ایران کے نائب وزیر ثقافت برائے ثقافتی امور اور 35ویں تہران بین الاقوامی کتاب میلے کے چیئرمین یاسر احمدوند نے کہا کہ اس سال کے کتاب میلے میں 60 غیر ملکی پبلشرز کی جانب سے 50,000 غیر ملکی کتابوں کے عنوانات پیش کیے گئے ہیں۔
تہران بین الاقوامی کتاب میلہ تہران میں مئی میں سالانہ لگایا جاتا ہے۔ بین الاقوامی ثقافتی تقریب کا پہلا میلہ 1988 میں منعقد ہوا جس میں 16 ہزار کتابیں نمائش کے لیے پیش کی گئیں۔ یہ ثقافتی تقریب مسلسل 34 ایڈیشنوں کے بعد مشرق وسطیٰ اور ایشیا میں ایک تاریخی، اہم کتاب میلے میں تبدیل ہو گئی ہے۔
ہر سال لاکھوں وزٹرز میلے میں آتے ہیں، جن میں یونیورسٹی کے ہزاروں طلباء، اسکالرز اور ان کے فیملی بھی شامل ہیں۔ یہ تقریب فی الحال ایران میں سب سے اہم ثقافتی تقریب کے طور پر کام کرتی ہے۔
35 واں تہران بین الاقوامی کتاب میلہ 8/مئی سے 18/ مئی 2024/ء تک تہران کی جامع مسجد میں منعقد ہونے والا ہے۔
نمائشیں اور اکسپوز، امام خمینی کے متحرک افکار اور کاموں کو متعارف کرانے اور فروغ دینے کا بہترین پلیٹ فارم ہیں۔ اس لیے امام خمینی کی تالیف اور اشاعت کا ادارہ ہمیشہ اس طرح کے نمائشوں میں اسٹال لگاتا ہے تاکہ امام کی تخلیقات کو پرنٹ اور ڈیجیٹل شکلوں میں متعارف کرایا جا سکے۔
اسلامی جمہوریہ کے بانی نے فلسفہ، عرفان، شاعری اور اسلامی فقہ کے متعدد شعبوں میں بہت گہری اور بصیرت سے بھرپور کتابیں لکھے تھے۔
عظیم امام خمینی کی متحرک فکر انقلابات کو تحریک دیتی رہے گی اور دنیا کے مختلف حصوں میں آنے والی نسلوں کی رہنمائی کرتی رہے گی۔
مختلف شعبوں میں امام کے متعدد کاموں کے علاوہ یہ بات قابل ذکر ہے کہ امام نے مختلف مواقع پر قرآن کریم کی آیات کی تفسیر کی اور یہ تفسیریں پانچ جلدوں میں مرتب کی گئی ہیں۔
امام کی طرف سے آیات قرآنی کی یہ تفسیر بہت سی خوبیوں اور تشریحات پر مشتمل ہے۔ قرآن کریم کی آیات کی امام کی تفسیر، ان کی تصانیف جیسے "آداب الصلاۃ"، "صحیفہ امام"، "کشف الاسرار"، "شرح دعائے سحر"، "شرح چہل حدیث" وغیرہ میں دیکھی جا سکتی ہے۔
بین الاقوامی امور کے محکمے نے بعض ملکی ایرانی اداروں اور ایرانی سفارتخانے اور ثقافتی مراکز کے قریبی تعاون سے متعدد بین الاقوامی نمائشوں میں شرکت کی ہے۔
قابل ذکر ہے کہ امام خمینی کی متعدد تصانیف کا گزشتہ چند سالوں میں درجنوں زبانوں میں ترجمہ کیا گیا ہے۔