گھروں میں اپنے بچوں کے سامنے داستان کربلا بیان کریں
حوزہ نیوز ایجنسی کے مطابق، ایران کے بزرگ عالم دین اور شیعہ مرجع تقلید آیت اللہ جوادی آملی نے عزاداران حسینی (ع) کو خطاب کرتے ہوئے کہا: آپ میں سے کوئی بھی بغیر وضو کے عزدارئ سید الشہداء علیہ السلام کے دستوں میں داخل نہ ہو اور وضو کرتے وقت یہ نیت کرے: خدایا میں وضو کرتا ہوں تاکہ پاک و پاکیزہ ہو کر عزادارئ امام حسین علیہ السلام میں داخل ہوں۔
اس مرجع تقلید نے خطباء اور مبلغین کو نصیحت کرتے ہوئے کہا: مجالس حسینی (ع) میں ان معارف کے متعلق گفتگو کریں جو سید الشہداء علیہ السلام کے اھداف کی وضاحت کریں۔
آیت اللہ جوادی آملی نے فیملیز کو بھی نصیحت کرتے ہوئے کہا: وہ ایام محرم الحرام میں راتوں کو اپنے بچوں، پوتوں اور نواسوں کے سامنے داستان کربلا بیان کریں تاکہ ان کا سارا وقت غیر مفید فلموں کے دیکھنے میں نہ گزر جائے۔
امام حسین(ع) عظیم الٰہی امتحان میں اپنے تمام وجود سے خدا کے سامنے تسلیم ہو گئے، حجت الاسلام ابراہیمی
حوزہ نیوز ایجنسی کی رپورٹ کے مطابق، صوبۂ گلستان ایران کے حوزہ علمیہ کی انتظامی کونسل کا اجلاس حوزہ علمیہ کے مدیر حجۃ الاسلام والمسلمین ابراہیمی، ان کے معاونین اور عملے کی موجودگی میں منعقد ہوا۔
حوزه علمیہ گلستان کے مدیر نے ماہ محرم الحرام کی آمد پر حاضرین کی خدمت میں تسلیت پیش کی اور اہل بیت علیہم السّلام کے غم کی جانب اس حدیث قدسی کے ذریعے اشارہ کرتے ہوئے کہ« عبدی أطعنی أجعلک مثلی، أنا حیّ لا اموت اجعلک حیّا لا تموت أنا غنیّ لا أفتقر أجعلک غنیّا لا تفتقر، انا اقول للاشیاء کن فیکون و انت تقول للاشیاء کن فیکون؛ »، سید الشہداء علیہ السلام کو اس حدیث کا حقیقی مصداق قرار دیا، کیونکہ آپ کا اپنے پورے وجود سے خداوند متعال کے آگے سر تسلیم خم ہونے جیسی نمایاں خصوصیت کی وجہ سے ہی خداوند متعال نے آپ کو اس عظیم مقام سے نوازا تھا۔
انہوں نے امام زمان(عجل الله تعالی فرجه الشریف) کے سپاہیوں کی تربیت کو اپنی اور اپنے عملہ کی اصلی و ذاتی زمہ داری قرار دیا اور اس کے علاوہ شائستہ ماحول، اخلاق حسنہ اور خلوص کے ساتھ آپس میں مشورت اور تعاون نیز احکام کی پابندی کی تلقین کی۔