یہ پروگرام اسلامی جمہوریہ ایران کے ثقافتی اتاشی کے دفتر نے ملائیشین مشاورتی کونسل برائے اسلامی تنظیمات (MAPIM) کے تعاون سے منعقد کیا۔
یہ ویبنار جمعہ، ۷ نومبر ۲۰۲۵ کو منعقد ہوا۔
سیمینار سیکرٹریٹ کے مطابق، پروگرام دوپہر ۳ بجے ملائیشین وقت پر شروع ہوا، اور شرکاء کو سیمینار کے آغاز سے ایک گھنٹہ قبل آن لائن سیشن میں شرکت کے لیے خصوصی لنک فراہم کیا گیا۔
اس علمی نشست میں مختلف موضوعات پر گفتگو کی گئی۔
اس سیمینار کا مقصد امام خمینیؒ کے متحرک افکار اور نظریات میں اخلاقیات کے مقام کو واضح کرنا اور اسے مضبوط بنانا تھا۔
مقررین نے امام خمینیؒ کی روحانیت اور اخلاقیات کے مرکزیت پر روشنی ڈالی، جو ان کی انفرادی اور سماجی زندگی میں نمایاں طور پر نظر آتی ہے۔ ساتھ ہی، انہوں نے اس نظریے کے عالمی اثرات اور مسلم معاشروں پر اس کے انعکاس کی اہمیت پر بھی گفتگو کی۔
یہ ویبنار "بین الاقوامی امام خمینی ایوارڈ" کے مقدماتی پروگراموں میں سے ایک تھا۔
ویبنار میں شریک مقررین درج ذیل تھے:
- حجۃ الاسلام ڈاکٹر علی کمساری – رئیس ادارہ تنظیم و نشر آثار امام خمینیؒ
- توان حاجی ازمی عبد الحمید – چیئرمین، ملائیشین مشاورتی کونسل برائے اسلامی تنظیمات (MAPIM)
- ڈاکٹر حبیب رضا ارزانی – ثقافتی اتاشی، سفارتِ اسلامی جمہوریہ ایران برائے ملائیشیا
- استاذ کامل زہیری – مذہبی اسکالر اور سماجی کارکن، ملائیشیا
قابلِ ذکر ہے کہ اس نشست کی صدارت شریفہ اسرح بنی یحییٰ نے کی۔