امام خمینیؒ پورٹل: حجۃ الاسلام والمسلمین ڈاکٹر علی کمساری، مؤسسۂ تنظیم و نشرِ آثارِ امام خمینیؒ کے سربراہ نے ایک تعزیتی پیغام میں مرحوم آیت اللہ سید محمد موسوی بجنوردی کی اہلیہ، نساء السادات آل یاسین کے انتقال پر ان کے داماد آیت اللہ سید حسن خمینی سے تعزیت کا اظہار کیا۔
حجۃ الاسلام والمسلمین علی کمساری کے تعزیتی پیغام کا متن درج ذیل ہے:
بسمہ تعالیٰ
اِنّا لِلّٰهِ وَاِنّا اِلَیْهِ رَاجِعُونَ
حضرت آیت اللہ جناب حاج سید حسن خمینی، دام ظلہ العالی!
اس موقع پر آپ کی محترمہ ساس، مرحومہ مغفورہ سرکار حاجیہ خانم بجنوردی کے انتقال پر آپ کی خدمت میں، نیز آپ کی محترمہ اور فاضلہ اہلیہ، سرکار ڈاکٹر موسوی بجنوردی اور دیگر معزز پسماندگان کی خدمت میں دلی تعزیت و تسلیت پیش کرتا ہوں۔
اللہ تعالیٰ سے دعا ہے کہ مرحومہ کے درجات بلند فرمائے اور انہیں ان کے گرانقدر شوہر، فقیہِ بزرگوار مرحوم آیت اللہ سید محمد موسوی بجنوردی کے ساتھ ائمۂ معصومین علیہم السلام کی بارگاہ میں حشر نصیب فرمائے۔
ان شاء اللہ، خداوندِ متعال آپ کو عزت و وقار کے ساتھ طویل عمر عطا فرمائے اور آپ کی عزت و سربلندی میں روز افزوں اضافہ فرمائے۔
علی کمساری
سربراہِ مؤسسۂ تنظیم و نشرِ آثارِ امام خمینیؒ