دنیا و آخرت میں کامیاب

کن لوگوں کے ہاتھوں میں دنیا اور آخرت ہے؟

کن لوگوں کے ہاتھوں میں دنیا اور آخرت ہے؟

خو زستان نے اسلام اور انسانی اقدار اور ملک کی شرافت کے لئے کوشش کی ہے اور ہمیشہ کوشش کرتا رہا ہے اور آئندہ بھی ایسے ہی کوشش کرے گا اس نے اپنے شہداء کو اللہ تعالی کے پاس بھیجا ہے خوزستان نے اس دوران حق اور باطل کے مقابلے میں ہمیشہ حق کا دفاع کیا ہے اور پورے ملک کے لئے نمونہ عمل بنا ہے یہ جو شہداء کی تصاویر ہمارے سامنے ہیں یہ سب اللہ تعالی کی بارگاہ میں پہنچ چکے ہیں انہوں نے اسلام کی دعوت پر لبیک کہا اور اپنے لئے کامیابی حاصل کی ہے یہ لوگ دنیا میں بھی کامیاب ہیں اور آخرت میں بھی ہم سب کو یہ بات سمجھنی چاہیے کہ ہم سب اللہ کی طرف سے آے ہیں اور سب کو اسی بارگاہ میں واپس جانا ہے ہمارے پاس جو کچھ بھی ہے وہ سب اللہ کی امانت ہے ہمارا اپنا کچھ بھی نہیں ہے۔

اسلامی جمہوریہ ایران نے اسلام کو زندہ کیا ہے

میں آپ تمام عزیزوں کا شکر گزار ہوں میری دعا ہیکہ پروردگار آپ سب کو ہر میدان میں کامیاب بنائے ہماری اس تحریک میں خواتین نے بھی اہم کردار ادا کیا ہے ہمارے جوان بھائیوں نے بھی اس انقلاب کی کامیابی میں اہم کردار ادا کیا ہے اور اغیار کو اس ملک سے دور کیا ہے لیکن ان سب کے باوجود بھی ہم ابھی آدھے راستے میں ہیں ہمیں خود کو کامیاب نہیں سمجھنا چاہیے کیوں کہ کامیابی کا غرور انسان کو سست بنا دیتا ہے لیکن ہم ابھی راستے میں ہیں ہم سب کو مل کر اس تحریک کو آگے بڑھانا ہوگا تمام مرد و خواتین کو مل کر اس تحریک کو آگے بڑھانا ہو گا ہمیں اس بات کو خیال رکھنا ہو گا کہ کہیں ہماری قوم میں اختلاف نہ پیدا ہو جاے۔

قم علم،شجاعت اور فداکاری کا مرکز ہے

میں خوشحال ہوں کہ ایک عرصے کے بعد آپ حضرات سے مل رہا ہوں میں ہمیشہ ایران اور اپنے وطن قم کے بارے میں سوچتا ہوں اور دعا کرتا ہوں آپ جانتے ہیں کہ قم امام جعفر صادق علیہ السلام کے زمانے سے تشیع کا مرکز بنا ہوا ہے جس طرح قم سے پوری دنیا میں علم نشر ہو رہا ہے اسی طرح قم سے اسلام کی راہ میں فداکاری ا ور شجاعت بھی نشر ہو رہی ہے قم تمام برکات کا مرکز ہے خداوند کریم آپ تمام حضرات کو اپنے حفظ و امان میں رکھے اور سب کو دین اسلام کی خدمت کرنے کی توفیق عنایت کرے۔

انقلاب اسلامی کا نور

گیارہ فروری 1979ء کو جب ایران میں انقلابِ اسلامی کامیابی سے ہمکنار ہوا تو دنیا کے اکثر دانشور حضرات یہ کہتے نظر آئے کہ اس انقلاب کو امریکہ بس چند دنوں میں کچل دے گا۔ پاکستان کے صوبہ بلوچستان کے نواب اکبر خان بگٹی مرحوم سے کسی نے ایران کے اسلامی انقلاب کے بارے میں بات کی تو انہوں نے مسکراتے ہوئے سوال کیا کہ شیعہ کتنے اماموں کو مانتے ہیں؟ جواب ملا "بارہ" تو بگٹی صاحب نے کہا یہ انقلاب بارہ مہینے بھی نہیں رہ پاِئے گا۔ لیکن پھر نواب اکبر بگٹی سمیت دنیا بھر کے دانشوروں نے دیکھا کہ 11 فروری 1979ء کو انقلابِ اسلامی کا ایسا نور چمکا، جس نے آج تک دنیا کو ورطہ حیرت میں ڈال رکھا ہے۔ انقلابِ اسلامی نے اسلام کا پرچم تھاما اور دنیا بھر کے مظلوموں کو اس کی چھاوں میں پناہ دی، استکبارِ جہانی کی مشکلات کا آغاز ٹھیک اسی وقت سے شروع ہوا۔ مستضعفینِ جہان کا حامی یہ انقلاب امریکہ و اسرائیل کے سامنے سینہ تان کر کھڑا ہوگیا، امریکہ اپنے تمام اتحادیوں کے ساتھ صدام کے ذریعے انقلابِ اسلامی پہ حملہ آور ہوا، لاکھوں جانیں ضائع ہوئیں، لیکن امریکہ کے یہ تمام حربے مٹی میں مل گئے۔

نئے سال کے موقع پر امام خمینی(رح) کس بات کی نصیحت فرماتے تھے؟

نئے سال کے موقع پر امام خمینی(رح) کس بات کی نصیحت فرماتے تھے؟

امام خمینی(رح) کا نئے سال کے موقع پر قوم کے نام پیغام

مجھے امید ہیکہ اس نئے سال میں بھی ہماری قوم گذشتہ سال کی طرح متعدد کامیابیاں حاصل کرے گی اور اسی طرح ملک میں امن بر قرار رہے گا لیکن یہ بات عرض کروں کہ جس طرح نیا سال شروع ہوتا ہے اسی طرح انسانوں میں میں تبدیلی ہونی چاہیے انسان کی روح میں بھی تبدیلی ہونی چاہیے جس طرح ہر انقلاب کے بعد اختلاف ہوتے ہیں اسی طرح ہمارے ملک میں بھی اس انقلاب کے بعد اس ملک کی قوم نے پچاس سال بعد آزادی حاصل کی ہے اور ایک نئی تبدیلی لائی ہے ہمیں یہ اتنی عظیم کامیابی اسلام کی وجہ سے ملی ہے ہم شاہ اور اس کے حامیوں کو اللہ اکبر کے نعرے سے ملک چھوڑنے پر مجبور کیا ہے ہماری کامیابی کی وجہ ایرانی عوام کا اخلاص،اللہ پر توکل اور ایمان تھا جس نے انھیں ظالم کے خلاف بولنے کا جذبہ عطا کیا تھا۔

راوی:مصطفی کفاش زادہ

محرومین کی طرف توجہ