حوزہ/ مجمع علمائے مسلمین لبنان کے سرپرست نے انقلاب اسلامی ایران کی کامیابی کو ایرانی عوام کی مجاہدت اور امام خمینی (رح) کے دوراندیشانہ اقدامات کا نتیجہ قرار دیا اور انقلاب اسلامی کے مسلمانوں کے درمیان اتحاد پیدا کرنے اور مستضعف قوموں کی حمایت کرنے میں کردار پر زور دیا۔
مجمع علمائے مسلمین لبنان کے سرپرست شیخ غازی حنینہ نے مشہد میں حوزہ نیوز ایجنسی کے نامہ نگار کے ساتھ گفتگو میں عشرۂ فجر کے متعلق گفتگو کرتے ہوئے کہا: انقلاب اسلامی ایران کی کامیابی ایرانی عوام کی مجاہدت اور امام خمینی (رح) اور مقام معظم رہبری کے دوراندیشانہ اقدامات کا نتیجہ ہے۔
انہوں نے کہا: انقلاب اسلامی نے نہ صرف ایران بلکہ بہت سے دیگر ممالک میں بھی عظیم تبدیلیاں پیدا کی ہیں اور معنوی، اخلاقی، فکری، ثقافتی اور دینی اثرات مرتب کیے ہیں۔
انہوں نے عشرۂ فجر کے عالمی تبدیلیوں اور وسیع ثقافتی و دینی اثرات کو بیان کرتے ہوئے کہا: عشرۂ فجر صرف ایک قومی واقعہ نہیں ہے بلکہ یہ ایک عالمی تحریک ہے جس کے اثرات دنیا کے بہت سے حصوں میں اب بھی نمایاں ہیں۔ اس لئے انقلاب اسلامی ایران نے عالم اسلام پر گہرے معنوی اثرات مرتب کیے ہیں۔
مجمع علمائے مسلمین لبنان کے صدر نے کہا: انقلاب اسلامی کے اہم ترین کارناموں میں سے ایک مسلمانوں کے درمیان اتحاد و وحدت کی تشکیل ہے۔ اس عظیم واقعہ نے مسلمانوں کو اندرونی اختلافات پر قابو پانے کا موقع دیا۔
انہوں نے مزید کہا: انقلاب اسلامی نے نہ صرف مسلمانوں کو ایک دوسرے کے قریب کیا بلکہ امت رسول اللہ صلی اللہ علیہ وآلہ وسلم کے درمیان موجود بہت سی رکاوٹوں کو دور کرنے میں بھی کامیاب رہا۔
شیخ غازی حنینہ نے آخر میں کہا: امام خمینی (رح) ہمیشہ اتحاد کے اصولوں کے دفاع میں کھڑے رہے اور ان کے نزدیک مسلمانوں کا اتحاد ہر فقہی یا عقیدتی اختلاف سے مقدم تھا۔ ان کا یہ ماننا تھا کہ امت مسلمہ میں اتحاد و وحدت کی روح کو ایجاد کرنا ہی عالم اسلام کے تمام چیلنجز کا حل ہے۔
محبت اہلبیتؑ کے بغیر کوئی آخرت میں سرخرو نہیں ہو سکتا، مقررین
لاہور میں 3 شعبان المعظم ولادتِ با سعادت حضرت امام حسین علیہ السلام کے موقع پر ’’مرکز وحدت امت‘‘ میں علامہ سید افتخار حسین نقوی کی سرپرستی میں امام حسین علیہ السلام کانفرنس کا اہتمام کیا گیا۔
کانفرنس میں تمام مکاتب فکر کے علمائے کرام و مشائخ عظام نے شرکت کی اور اپنے خطابات میں امام عالی مقام کی سیرت و کردار پر روشنی ڈالی۔
کانفرنس میں مرکزی رہنما جماعت اسلامی پاکستان ڈاکٹر فرید احمد پراچہ، جے یو پی کے رہنما مولانا محمد خان لغاری، ممتاز رہنما پروفیسر محمود غزنوی، امامیہ آرگنائزیشن پاکستان کے سابق چیئرمین لال مہدی خاں، بابا محمد اسلم حیدری، شیعہ علماء کونسل کے نائب صدر علامہ حافظ سید کاظم رضا نقوی، سید علمدار حسین بخاری، میاں فرزند علی چھچھر، شفقت حسین بلوچ، مودت اہلبیت فاونڈیشن کے چودھری صغیر عباس ورک سمیت دیگر نے شرکت کی۔
مقررین نے نواسہ رسول جگر گوشہ علی و بتول (ع) کو شاندار الفاظ میں خراجِ عقیدت پیش کیا۔